Միջազգային բեռնափոխադրումներ
Ավտոմոբիլային, ծովային և օդային տարբերակներով Եվրոպայից, Ուկրաինայից, Չինաստանից և Թուրքիայից դեպի Հայաստան և Վրաստան
Ավտոմոբիլային, ծովային և օդային տարբերակներով Եվրոպայից, Ուկրաինայից, Չինաստանից և Թուրքիայից դեպի Հայաստան և Վրաստան
«ԿՈՆՏԻՆԵՆՏ ՊՐՈՖ» ՍՊԸ-ն հիմնադրվել է 2019թ․և իրականացնում է բեռների անվտանգ և արդյունավետ միջազգային փոխադրում ավտոմոբիլային, օդային և ծովային տարբերակներով հիմնականում Եվրոպայից, Ուկրաինայից, Չինաստանից և Թուրքիայից դեպի Հայաստան և Վրաստան։
Ընկերությունը համագործակցում է միջազգային բեռնափոխադրումների ոլորտում առաջատար ընկերությունների հետ։ Դրանց շարքում են ինչպես լոգիստիկ / մաքսային պահեստները, այնպես էլ սեփական բեռնատար մեքենաներ ունեցող վստահելի և բազմամյա փորձ ունեցող ընկերությունները։
Ընկերության հիմնադիր-տնօրեն Փիրուզա Վահանի Գրիգորյանը, 2009 թ․ ավարտելով ՀՊՏՀ-ի կառավարման ֆակուլտետը, իր մասնագիտական գործունեությունը միջազգային բեռնափոխադրումների ոլորտում սկսել է ամենաստորին օղակներից՝ կատարելով բազային ամենապարզ աշխատանքներ։ Աստիճանաբար զարգանալով և ձեռք բերելով ոլորտի ամբողջական պատկերացում՝ նա հնարավորություն է ստացել խորապես հասկանալ ոլորտի բոլոր գործընթացներն ու առկա մարտահրավերները, ինչի արդյունքում այսօր արդյունավետորեն ղեկավարում է լոգիստիկ գործընթացների ամբողջական կազմակերպումը։
Ընկերության մասնագիտական թիմն ապահովում է բեռնափոխադրումների մանրակրկիտ պլանավորում, գործընթացների ամբողջական վերահսկում և անհատական մոտեցում յուրաքանչյուր պատվերին։
Ընկերությունը աշխատում է միջազգային չափանիշներին համապատասխան՝ կարևորելով պատասխանատվությունը, թափանցիկ և վստահելի համագործակցությունը, ինչպես նաև բարձր որակի սպասարկումը յուրաքանչյուր փուլում։
«ԿՈՆՏԻՆԵՆՏ ՊՐՈՖ» ՍՊԸ-ն նպատակ ունի դառնալ վստահելի և կայուն գործընկեր միջազգային բեռնափոխադրումների ոլորտում՝ շարունակաբար զարգացնելով իր ծառայությունները և ներդնելով ժամանակակից ու արդյունավետ լոգիստիկ լուծումներ։
Մանրակրկիտ պլանավորում
Ամբողջական վերահսկում
Անհատական մոտեցում
Միջազգային չափանիշներ
«ԿՈՆՏԻՆԵՆՏ ՊՐՈՖ» ՍՊԸ-ն իրականացնում է բոլոր տեսակների՝ FTL, LTL, FCL, LCL միջազգային բեռնափոխադրումներ ավտոմոբիլային, ծովային և օդային տարբերակներով համաձայն բոլոր միջազգային առևտրային պայմանների՝ Incoterms (International Commercial Terms)։
Մաքսային գործակալների հետ ունեցած պայմանագրերի շնորհիվ մեր ընկերությունը ապահովում է արտահանման անթերի փաստաթղթավորում։ Իսկ անփույթ և ոչ օպտիմալ փաթեթավորման պատչառով առաջացած խնդիրներն իրենց լուծումն են ստանում շնորհիվ լոգիստիկ պահեստի հմուտ աշխատակազմի պատրաստակամության և աշխատասիրության։
Մեր ընկերության աշխատակիցները պատրաստ են իրականացնել բեռների տեղափոխում վերը նշված բոլոր տարբերակներով։ Մենք պատրաստակամ ենք ընդունել ձեր բոլոր հարցումները և տրամադրել մասնագիտական անվճար խորհրդատվություն՝ ցուցաբերելով սրտացավ վերաբերմունք և առանձնահատուկ մոտեցում յուրաքանչուր պատվերին։
FTL (Full Truck Load) – բեռնափոխադրում՝ նախատեսված մեկ ամբողջ բեռնատարը մեկ պատվիրատուի բեռի համար՝ անկախ նրանից, բեռնատարն ամբողջությամբ լցված է, թե ոչ։
LTL (Less Than Truck Load) – բեռնափոխադրում՝ նախատեսված ամբողջ բեռնատարը մի քանի պատվիրատուների բեռների համար, նշանակում է, որ բեռնատարում բարձվում են միաժամանակ մի քանի պատվիրատուների բեռներ միասին։
FCL (Full Container Load) – բեռնափոխադրում՝ նախատեսված մեկ ամբողջ Կոնտեյները՝ բեռնարկղը, մեկ պատվիրատուի բեռի համար՝ անկախ նրանից, այն ամբողջությամբ լցված է, թե ոչ։
LCL (Less than Container Load) - բեռնափոխադրում՝ նախատեսված ամբողջ Կոնտեյները՝ բեռնարկղը, մի քանի պատվիրատուների բեռների համար, նշանակում է, որ բեռնարկղում բարձվում են միաժամանակ մի քանի պատվիրատուների բեռները միասին։
Օդային բեռնափոփոխադրումն ամենաարագ ճանապարհն է միջազգային առաքումների համար, այն նպատակահարմար է շտապ, բարձրարժեք, փխրուն ապրանքների տեղափոխման համար, քանի որ բեռի շարժումն ավելի վերահսկելի է և կրճատվում է վնասների ու կորուստների ռիսկը, սակայն ամենաթանկն է։
Գինը հաշվարկվում է բեռի քաշի ու ծավալի հիմքով (Chargeable Weight)։ Բեռն ուղեկցող գլխավոր փաստաթութղը Air Waybill (AWB)-ն է։
Ամենաարագ միջազգային առաքումներ
Վերահսկելի շարժում, նվազ ռիսկեր
Հարմար շտապ և փխրուն բեռների համար
Աշխարհում գոյություն ունեն բազմատեսակ բեռնատար մեքենաներ՝ tent, flatbed, Tanker, սառնարանային ռեժիմ ապահովող և այլն, ուստի մեքենայի և/կամ բեռնարկղի ընտրությունը կախված է բեռի և բարձման հասցեի առանձնահատկություններից։
Միջազգային բեռնափոխադրումների համար հիմնականում օգտագործվում են 10 և ավելի տոննա տարողությամբ բեռնատարներ։ Դրանցից են՝
Կոնտեյները ստանդարտ մետաղական տարա է, որը նախատեսված է բեռների փոխադրման համար՝ նավով, գնացքով, բեռնատարով տեղափոխելու համար՝ առանց բեռը բացելու կամ վերաբարձելու։ Սա լոգիստիկայի ամենամեծ հեղափոխություններից մեկն է, քանի որ մինչև 1950-ական թվականները բեռները բարձվում և վերաբարձվում էին ձեռքով՝ պարկերով և / կամ արկղերով։ Արդյունքում բեռնարկղով բարձելու հնարավորությունը տրանսպորտի արժեքը նվազեցրեց բազմակի անգամ և խթանեց գլոբալ առևտրի արագ աճը։
Եվրոստանդարտ պալետի չափսերն են՝ երկարություն 120 սմ, լայնություն՝ 80 սմ, իսկ բարձրությունը պայմանավորված է տվյալ պալետի վրա դասավորվող բեռի տեսակից և փաթեթավորումից։ Ելնելով Եվրոստանդարտ բեռնատարի չափսերից, նպատակահարմար է ապրանքները դասավորել Եվրոպալետների վրա, սակայն, երբեմն ունենալով մեծ չափսերի արկղեր կամ տակառներ, պալետների չափսերը կարող են լինել տարբեր։
Առավել տարածվածներն են՝
Եվրամիության (EU) մաքսային և ֆիտոսանիտար պահանջների՝ IPPC-ի ստանդարտի (ISPM 15) համաձայն, բոլոր փայտե պալետները պետք է լինեն մշակված՝ որպես Treated Pallets, ինչը նշանակում է, որ դրանք մշակված են՝ փայտից եկած վնասատուների և հիվանդությունների տարածման վտանգը նվազեցնելու համար։
Incoterms-ը Միջազգային առևտրի պալատի (ICC) կողմից հրապարակված կանոնների հավաքածու է, ըստ որի սահմանվում են կողմերի պարտականությունները, ծախսերը և ռիսկերը միջազգային առևտրում։ Դրանք վաճառքի պայմանագրի կարևոր բաղադրիչներ են․ հեշտացնում են պայմանների արդյունավետ բանակցումը և պարզեցնում առևտրային գործարքները՝ ապահովելով գնորդների ու վաճառողների միջև հստակ պայմանավորվածություններ։ Այն պարտադիր կերպով նշվում է համապատասխան վաճառքի և փոխադրման փաստաթղթերում՝ բեռների անխափան ձևակերպումն ու առաքումը ապահովելու համար։
Որոշ կանոններ կիրառելի են բոլոր տրանսպորտային միջոցների համար, մինչդեռ մյուսները նախատեսված են միայն ծովային փոխադրումների համար։ Միջազգային գործարքներում շփոթությունից խուսափելու համար ներկայացնում ենք դրանցից ամենակարևոր տերմինները՝
Գործարանից (Ex Works)
Ազատ փոխադրողին հանձնում (Free Carrier)
Փոխադրումը վճարված մինչև (Carriage Paid To)
Փոխադրումը և ապահովագրությունը վճարված մինչև (Carriage and Insurance Paid To)
Առաքված նշված վայրում (Delivered at Place)
Առաքված և բեռնաթափված նշված վայրում (Delivered at Place Unloaded)
Առաքված մաքսատուրք վճարված (Delivered Duty Paid)
Ազատ նավի կողքին (Free Alongside Ship)
Միայն ծովայինԱզատ նավի վրա (Free on Board)
Միայն ծովայինԱրժեք և փոխադրում (Cost and Freight)
Միայն ծովայինԱրժեք, ապահովագրություն և փոխադրում (Cost, Insurance and Freight)
Միայն ծովայինFreight Collect և Freight Prepaid տերմինները լայնորեն կիրառվում են միջազգային բեռնափոխադրումների մեջ։ Դրանց տարբերությունը ճիշտ հասկանալը շատ կարևոր է, քանի որ դրանք հստակ ցույց են տալիս՝ ով է վճարում միջազգային բեռնափոխադրման բոլոր ծախսերը։
Freight Collect խմբին են պատկանում EXW, FCA, FAS և FOB պայմանները, որը նշանակում է, որ ներմուծողն ինքն է կազմակերպում և վճարում է բեռնափոխադրման բոլոր ծախսերը։
Այս դեպքում արտահանող կողմը չի հոգում որևէ բեռնափոխադրման ծախս։
Freight Prepaid խմբին են պատկանում CFR, CIF, CPT, CIP, DAP, DPU կամ DDP պայմանները, որը նշանակում է, որ բեռնափոխադրման ծախսերը նախապես վճարվում են արտահանողի / վաճառողի կողմից։
Այս բեռնափոխադրման պայմանները ուղղակիորեն կապված են ինվոյսում նշված վաճառքի պայմանների (Incoterms) հետ։ Օրինակ՝ եթե ապրանքը վաճառվում է FOB (Free on Board) պայմաններով, ապա վաճառողը հոգում է միայն այն ծախսերը, որոնք անհրաժեշտ են ապրանքը նավի վրա բեռնելու համար։ Դրանից հետո առաջացող բոլոր ծախսերը գանձվում են ապրանքի ստացողից (consignee), և փոխադրումը համարվում է Freight Collect։
Մեր ընկերությունը տրամադրում է անվճար մասնագիտական խորհրդատվություն՝ միջազգային բեռնափոխադրումների բոլոր փուլերում։ Անկախ նրանից՝ պլանավորում եք առաջին մատակարարումը, թե փնտրում եք ավելի արդյունավետ և շահավետ լուծումներ, մենք մանրակրկիտ կվերլուծենք ձեր բեռնափոխադրման պահանջներն ու յուրահատկույթուննը, կառաջարկենք օպտիմալ երթուղիներ, փոխադրման տեսակներ և մաքսային ձևակերպումների լավագույն լուծումները՝ խնայելով ձեր ժամանակը, նյարդերն ու ծախսերը։
Ուղարկեք հարցում և մենք կապ կհաստատենք ձեզ հետ
ՀՀ քաղաք Երևան, Չարենց 4 փողոց, բն․ 36
Viber, WhatsApp, Telegram
